Ողնուղեղի վնասվածքը կարող է էապես փոխել մարդու կյանքի տարբեր ասպեկտները, այդ թվում և` սեռական առողջությունը: Ողնուղեղի վնասվածքը խաթարում է ուղեղի և սեռական օրգանների միջև հաղորդակցման ուղիները՝ նպաստելով սեռական ֆունկցիայի և զգացողության փոփոխությանը: Ողնուղեղի վնասվածքի մակարդակն ու ծանրության աստիճանը հաճախ թելադրում են վերոնշյալ փոփոխությունների չափը: Կախված ողնուղեղի վնասվածքի տեղակայությունից, կարող ենք առաջանալ մի շարք սեռական խնդիրներ։

Ողնուղեի վնասվածքի ժամանակ առաջացած սեռական խնդիրները

Էրեկտիլ դիսֆունկցիա։ Վնասվածքների ժամանակ առաջանում են և՛ էրեկցիայի հասնելու և՛ այն պահպանելու դժվարություններ, որոնց առաջացման հիմնական պատճառը նյարդային գրգիռների փոխանցման խանգարումն է։ Սա կարող է հանգեցնել գրգռման և ներթափանցման դժվարությունների՝ ազդելով սեռական կատարողականության և բավարարվածության վրա:

Սեռական զգացողության փոփոխություն։ Զգայական նյարդերի վնասումը կարող է հանգեցնել սեռական օրգանների զգացողության նվազմանը` ազդելով սեռական հաճույքի և օրգազմի ինտենսիվության վրա:

Սերմնաժայթքման խանգարումներ։ Ողնուղեղի վնասվածքն առաջացնում է նաև սերմնաժայթքման հետ կապված խնդիրներ, ինչպիսիք են՝ ուշացած սերմնաժայթքումը, հետադարձ սերմնաժայթքումը կամ սերմնաժայթքման լրիվ բացակայությունը:

Լիբիդոյի կորուստ։ Հորմոնալ մակարդակի փոփոխությունները, հոգեբանական գործոնները և ֆիզիկական սահմանափակումները կարող են նպաստել սեռական ցանկության և հետաքրքրության նվազմանը:

Պտղաբերության խնդիրներ։ Սեռական հարաբերության, սերմնաժայթքման և այլ փոփոխություններն ազդում են տղամարդու պտղաբերության վրա։ Սակայն շատ հաճախ տղամարդիկ պահպանում են հայրանալու կարողությունը՝ վերարտադրողական տարբեր օժանդակ միջոցների շնորհիվ:

Հոգեբանական և հուզական ազդեցություն։ Ողնուղեղի վնասվածքներն ազդում են տղամարդու ֆիզիկական առողջության, հոգեբանական և հուզական բարեկեցության վրա: Տղամարդկանց ինքնագնահատականի և վստահության կորուստը կարող են հանգեցնել անլիարժեքության, շփոթության և ինքնագնահատականի նվազման:

Անհանգստություն և դեպրեսիա։ Սեռական ֆունկցիայի խանգարումները, պտղաբերության և ինտիմ կյանքի հետ կապված մտահոգությունները կարող են նպաստել տղամարդու անհանգստության, դեպրեսիայի և հուզականության։

Հարաբերությունների լարվածություն։ Ինտիմ հարաբերությունների հետ կապված լարվածությունը նպաստում է զույգերի հաղորդակցման դժվարություններին, մտերմության անկմանը և հիասթափությանը։
 
Առնականություն։ Սեռական ֆունկցիայի փոփոխությունները բացասական անդրադարձ ունեն տղամարդկանց առնականության և ինքնության ընկալումների վրա։

Ամփոփելով,

Ողնաշարի վնասվածքը կարող է խորապես ազդել տղամարդկանց սեռական առողջության՝ էրեկտիլ ֆունկցիայի, հաճույքի, սերմնաժայթքման և պտղաբերության վրա:

Ողնուղեղի վնասվածքների ֆիզիկական, հոգեբանական և հուզական ազդեցությունների ըմբռնումը կարևոր է նման խնդիրներով մարդկանց աջակցության համար:

Բժշկական խորհրդատվության և աջակցության տարբեր միջոցներն օգնում են հաղթահարել վերոնշյալ խնդիրները և պահպանել զույգերի հարաբերությունները:

Այլընտրանքային սեռական և հաղորդակցման հմտությունների ուսուցումը նույնպես կարող է բարձրացնել զույգերի մտերմությունն ու բավարարվածությունը: